Xaricdə təhsil alanların diplomlarının tanınması ilə bağlı yanvar ayı üzrə 626 müraciətçinin 531-i barədə müsbət qərar verilərək müvafiq şəhadətnamələr təqdim edilib, 95 nəfərin müraciəti isə mənfi qərarla yekunlaşıb.
Bu barədə Naxçıvan televiziyası-a Təhsildə Keyfiyyət Təminatı Agentliyindən məlumat verilib. Bildirilib ki, tədris yükünü mənimsəmək üçün təhsil aldığı ölkənin ərazisində kifayət qədər olmaması səbəbindən 76, dövlət nümunəli olmayan diplom üzrə 8, təhsil forması üzrə 4, akkreditasiyasız ali təhsil müəssisəsi səbəbindən 5, bakalavr diplomu üzrə imtina verilməsi səbəbindən 1, tədris yükü üzrə 1 nəfərin müraciəti mənfi qərarla yekunlaşıb.
Ölkələr üzrə müraciətlərin sayına nəzər saldıqda Ukraynadan 186, Rusiyadan 171, Türkiyədən 149, Gürcüstandan 41, Böyük Britaniya və Şimali İrlandiya Birləşmiş Krallığından 17, İtaliyadan 13, Macarıstandan 7, Polşadan 7, ABŞ-dan 4, İsveçdən 4, Qırğızıstandan 4, Çindən 3, Fransadan 3, Qazaxıstandan 3, Belarusdan 2, Əlcəzairdən 2, Almaniya, Belçika, Birləşmiş Ərəb Əmirlikləri, Əfqanıstan, Estoniya, İspaniya, Kipr, Litva, Malavi və Pakistandan hər bir ölkə üzrə ayrı-ayrılıqda 1 müraciətin olduğu müşahidə olunur.
Ən çox müraciət olunan ixtisaslara gəlincə, maliyyə üzrə 63, menecment üzrə 52, iqtisadiyyat üzrə 47, biznesin idarə edilməsi üzrə 37, dövlət və bələdiyyə idarəetməsi üzrə 19 müraciətçi qeydə alınıb.
Sənədlərə ortalama baxılma müddəti 12 iş günü təşkil edib.
NTV canlı
Radio canlı
Nuhçıxan