Belçika millisinin və İtaliyanın "Roma" klubunun hücumçusu Romelu Lukaku Avropa çempionatlarının seçmə mərhələləri tarixində rekorda imza atıb.
Naxçıvan televiziyası xəbər verir ki, 30 yaşlı hücumçu buna “Avro-2024”ün seçmə mərhələsində evdə Azərbaycan yığmasına 5:0 hesabı ilə qalib gəldikləri oyunda 4 qol vurmaqla nail olub.
Seçmə mərhələlərdəki qollarının sayını 14-ə çatdıran təcrübəli forvard bu göstərici ilə portuqaliyalı Kriştianu Ronaldu (10 qol), ingiltərəli Harri Keyn (12 qol) və polşalı Robert Levandovskini (13 qol) geridə qoyub.
Qeyd edək ki, Romelu Lukaku "Kinq Boduen” stadionunda oynanılan görüşün 17-ci, 26-cı, 30-cu və 37-ci dəqiqələrində fərqlənib.
NTV canlı
Radio canlı
Nuhçıxan