İnsulin dirənci bədən hüceyrələrinin insulin hormonuna düzgün cavab verməməsidir. Sadə desək, bədən insulini düzgün işlədə bilmir və şəkər balansı pozulur. İnsulin dirənci zamanı düzgün qidalanma qaydalarına əməl etmək xəstəliyin müalicəsində əhəmiyyətli rol oynayır.
NTV xəbər verir ki, bu barədə Azərbaycan Qida Təhlükəsizliyi Agentliyinin (AQTA) İnformasiya təminatı və innovativ həllər şöbəsi məlumat yayıb.
Bildirilib ki, qidalanmanı bir neçə istiqamətdə dəyişdirərək yaxşı nəticə almaq mümkündür. Bunun üçün ilk növbədə iltihab əleyhinə pəhriz tövsiyə olunur. Eyni zamanda, qan şəkərini qəfil yüksəltməyən qidalara üstünlük verilməlidir. Həmçinin yeməklərin arasında uzun müddətli fasilə faydalı ola bilər.
Bundan əlavə, gündəlik kalori qəbuluna diqqət etməklə artıq çəkini azaltmaq da insulin dirəncinin müalicəsində olduqca önəmlidir. İnsulin dirənci zamanı tərəvəzlər, yumurta, balıq, toyuq, zeytun yağı, kefir, qatıq kimi qidalara daha çox üstünlük vermək tövsiyə olunur.
NTV canlı
Radio canlı
Nuhçıxan