Bakıda Azərbaycan-ABŞ Beyin Mərkəzlərinin Birinci Forumu keçirilib - YENİLƏNİB

Bakıda Beynəlxalq Münasibətlərin Təhlil Mərkəzinin təşkilatçılığı ilə Azərbaycan-ABŞ Beyin Mərkəzlərinin Birinci Forumu keçirilib.

NTV xəbər verir ki, "Ortaq Baxışlar: Strateji Tərəfdaşlıq naminə Azərbaycan-ABŞ dialoqu" mövzusuna həsr edilən forumda yerli beyin mərkəzləri ilə yanaşı, ABŞ-nin Atlantic Council, New Lines Institute, Hudzon İnstitutu, Mərkəzi Asiya-Qafqaz İnstitutu kimi beyin mərkəzləri və The National Interest jurnalından nümayəndələr iştirak ediblər.

Forum çərçivəsində ümumilikdə üç sessiya baş tutub.

"Vaşinqton sammitinin qiymətləndirilməsi: ABŞ-Azərbaycan münasibətlərinə təsirləri", "Vaşinqton sammitindən sonra Ermənistan-Azərbaycan sülh prosesi", "Enerji təhlükəsizliyi və bağlantılar" mövzularına həsr edilmiş sessiyalarda mövzular ətrafında fikir mübadiləsi aparılıb.

Müzakirələr zamanı Vaşinqton Sammitinin nəticələri, sammitdən sonrakı münasibətlərin inkişaf prinsipləri, Ermənistan-Azərbaycan sülh prosesinin yeni imkanları və riskləri, həmçinin Cənub Qaz Dəhlizi və Orta Dəhliz layihələrinin inteqrasiyası əsas tezislər olub.

09:14

Bakıda Azərbaycan-ABŞ Beyin Mərkəzlərinin Birinci Forumu keçirilir.

NTV xəbər verir ki, "Ortaq Baxışlar: Strateji Tərəfdaşlıq naminə Azərbaycan-ABŞ dialoqu" mövzusuna həsr edilən forumda yerli beyin mərkəzləri ilə yanaşı, ABŞ-nin "Atlantic Council", "New Lines Institute", Hudzon İnstitutu, Mərkəzi Asiya-Qafqaz İnstitutu kimi beyin mərkəzləri və "The National Interest" jurnalının nümayəndələri iştirak edirlər.

Tədbir çərçivəsində "Vaşinqton sammitinin qiymətləndirilməsi: ABŞ-Azərbaycan münasibətlərinə təsirləri", "Vaşinqton sammitindən sonra Ermənistan-Azərbaycan sülh prosesi", "Enerji təhlükəsizliyi və bağlantılar" mövzularına həsr edilmiş sessiyaların keçirilməsi nəzərdə tutulur.