Almaniya və Fransa "Future Combat Air System" (FCAS) hərbi qırıcı təyyarəsinin yaradılması layihəsinin həyata keçirilməsi ilə bağlı qərarı bu ilin sonuna qədər qəbul etmək barədə razılığa gəlib.
NTV Almaniya mediasına istinadən xəbər verir ki, bunu ölkə kansleri Fridrix Merts mətbuat konfransında bildirib.
"Mən Fransa Prezidenti Emmanuel Makronla razılaşdım ki, ilin son rübündə, yəni 2025-ci ilin sonuna qədər FCAS ilə bağlı birlikdə qərar qəbul edəcəyik", - o qeyd edib.
KİV-in məlumatına görə, Fransa və Almaniya ilə yanaşı İspaniyanın da iştirak etdiyi layihə bu ölkələrdəki istehsalçılar arasında vəzifələrin bölüşdürülməsi ilə bağlı çətinliklərlə üzləşir. Daha əvvəl "Bloomberg" agentliyi Fransanın "Dassault Aviation" şirkətinin layihədə aparıcı rol oynamaq istədiyi barədə məlumat vermişdi.
NTV canlı
Radio canlı
Nuhçıxan