“Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı" çərçivəsində Naxçıvan Muxtar Respublikasının Ekologiya və Təbii Sərvətlər Nazirliyi tərəfindən bir sıra tədbirlər həyata keçirilir.
Naxçıvan Muxtar Respublikası Nazirlər Kabinetinin mətbuat xidmətindən Naxçıvan televiziyası-a verilən məlumata görə,"Dövlət Proqramı"na uyğun olaraq yaşıllaşdırma tədbirlərinin aparılması və yaşıllıq sahələrinə xidmət etmək üçün xüsusi təyinatlı maşın-mexanizmləri, eyni zamanda ağacların təbii şəraitdən ayrılmadan köçürülməsi üçün texnika alınıb.
Qeyd edək ki, qazma genişliyi 2 metrdən, qazma dərinliyi isə 1,5 metrdən çox olan bu maşın-mexanizmi vasitəsilə diametri 30 santimetr və daha çox olan ağacları müxtəlif ərazilərə köçürmək mümkün olacaqdır. Nəticədə köçürülən ağaclar isə təbii mühitdən ayrılmadığından quruma təhlükəsi aradan qaldırılacaq.
NTV canlı
Radio canlı
Nuhçıxan