Səfərbərlik Xidmətində son üç ayda korrupsiya ilə bağlı 39 əməkdaş barəsində tədbir görülüb

Səfərbərlik Xidmətində son üç ayda korrupsiya ilə bağlı 39 əməkdaş barəsində tədbir görülüb.

Bu barədə Naxçıvan televiziyası-a Səfərbərlik Xidmətindən məlumat verilib.

Bildirilib ki,  qanunvericiliyin və normativ aktların tələblərini pozmuş vəzifəli şəxslər barəsində xidməti yoxlamalar aparılaraq 2023-cü ildə 78, ötən ildə 249, 2025-ci ilin birinci rübündə isə 39 əməkdaş barəsində intizam tənbehi və təşkilati-ştat tədbirləri görülüb, o cümlədən cari ildə 3 əməkdaş mənfi motivlə ehtiyata buraxılıb və əmək müqaviləsinə xitam verilib.

2023-cü ildə 15 fakt üzrə 22, 2024-cü ildə 51 fakt üzrə 95, cari ildə isə 12 fakt üzrə 40 nəfər barəsində toplanmış materiallar prosessual qərar qəbul edilməsi üçün  Baş Prokurorluğuna göndərilib.