Naxçıvan Dövlət Universitetinin (NDU) İncəsənət fakültəsində tanınmış miniatür ustası Mirzə Qədim İrəvaninin 200 illik yubileyinə həsr olunmuş “Miniatür sərgisi” təşkil olunub.
Universitetin Media və ictimaiyyətlə əlaqələr şöbəsindən NTV-yə bildirilib ki, sərginin açılışında NDU-nun rektoru Elbrus İsayev və Azərbaycan Dövlət Pedaqoji Universitetinin Beynəlxalq əlaqələr üzrə prorektoru, filologiya elmləri doktoru, professor Mahirə Nağıqızı iştirak edərək sərgi ilə bağlı fikirlərini bölüşüblər.
Qeyd olunub ki, bu sərgi gənc nəslin klassik miniatür sənətinə marağını artırmaqla yanaşı, milli təsviri sənət irsinin tədris mühitində yaşadılmasına da töhfə verir.
İlk dəfə keçirilən miniatür sərgisində saray həyatı, məclislər, təbiət və tarixi səhnələrə dair ümumilikdə 50 miniatür işi nümayiş olunub.
NTV canlı
Radio canlı
Nuhçıxan