Mina təhlükəsi ilə əlaqədar maarifləndirici videoçarx hazırlanıb - VİDEO

İşğaldan azad edilmiş ərazilərdə mina təhlükəsinə qarşı diqqətin artırılması məqsədilə maarifləndirici videoçarx hazırlanıb.

Bu barədə NTV-yə Qaçqınların və Məcburi Köçkünlərin İşləri üzrə Dövlət Komitəsindən məlumat verilib.

Bildirilib ki, Qaçqınların və Məcburi Köçkünlərin İşləri üzrə Dövlət Komitəsi ilə Azərbaycan Respublikasının Minatəmizləmə Agentliyinin əməkdaşlığı çərçivəsində hazırlanmış videoçarxın əsas məqsədi vətəndaşları və bölgəyə səfər edən şəxsləri mina təhlükəsi ilə əlaqədar xəbərdaredici nişanlara ciddi şəkildə əməl etməyə çağırmaq, təhlükəsizlik qaydaları barədə ictimai maarifləndirməni gücləndirməkdir. Videoçarxı təqdim edirik.