NTV xəbər verir ki, Naxçıvan Muxtar Respublikası Fövqəladə Hallar Nazirliyinin Mülki müdafiə alayının müvafiq bölmələrinin iştirakı ilə gecə saatlarında “Fövqəladə hadisələrin nəticələrinin aradan qaldırılması zamanı mülki müdafiə alayının qarşılıqlı əlaqədə fəaliyyəti. Zədələnmə ocaqlarında axtarış-xilasetmə, qəza-xilasetmə və digər təxirəsalınmaz işlərin aparılması” mövzusunda gecə məşğələsi keçirilib.
Nazirlikdən "Report"un yerli bürosuna verilən xəbərə görə, məşğələnin keçirilməsində əsas məqsəd şəxsi heyətin gecə şəraitində fəaliyyətə hazırlıq səviyyəsinin artırılması, bölmələr arasında qarşılıqlı əlaqənin möhkəmləndirilməsi, eləcə də fövqəladə hadisələrin nəticələrinin aradan qaldırılması üzrə praktiki vərdişlərin təkmilləşdirilməsi olub.
Məşğələ zamanı şərti fövqəladə hadisə şəraitində axtarış-xilasetmə və qəza-xilasetmə işlərinin aparılması, zərərçəkmişlərin xilas edilməsi, həmçinin digər təxirəsalınmaz tədbirlərin həyata keçirilməsi üzrə tapşırıqlar icra edilib.
Gecə şəraitində keçirilən məşğələ zamanı şəxsi heyətin operativliyi, çevik qərarvermə bacarığı və bölmələrin əlaqəli fəaliyyəti diqqət mərkəzində saxlanılıb.
Uğurla reallaşdırılan məşğələdən sonra əldə edilən nəticələr müzakirə olunub, aidiyyəti üzrə tapşırıqlar verilib.
NTV canlı
Radio canlı
Nuhçıxan