Naxçıvan televiziyası İnformasiya Agentliyi xəbər verir ki, muxtar respublikanın rayonlarında ümummilli lider Heydər Əliyevin 100 illik yubileyi qeyd edilib, ulu öndərimizin rayon mərkəzlərindəki abidələri ziyarət olunub, mədəniyyət saraylarında tədbirlər keçirilib.
Tədbirlərdə iştirakçılar ulu öndər Heydər Əliyevin həyat və fəaliyyətini əks etdirən sərgilərə baxıblar.
Tədbirlərdə ümummilli lider Heydər Əliyevin və şəhidlərin xatirəsi bir dəqiqəlik sükutla yad edilib, Dövlət Himni səsləndirilib.
Çıxışlarda ümummilli liderin şərəfli ömür yolu, ölkəmizin tərəqqisi uğrunda göstərdiyi misilsiz xidmətlərindən danışılıb. Bildirib ki, ümummilli lider Heydər Əliyevin Azərbaycana rəhbərliyi dövrü dövlət müstəqilliyimizin möhkəmlənməsi dövrüdür. Xalqına xidməti qarşısına ən ali məqsəd qoyan ulu öndər vətəndaşların həyat şəraitinin yaxşılaşdırılması üçün var qüvvəsi ilə çalışdı. Diqqətə çatdırılıb ki, ulu öndərin quruculuq missiyasının uğurla davam etdirilməsi Naxçıvan Muxtar Respublikasının bütün bölgələrini müasir inkişafa, tərəqqiyə qovuşdurub.
Tədbirlər ümummilli lider Heydər Əliyevdən bəhs edən film nümayişləri ilə başa çatıb.
NTV canlı
Radio canlı
Nuhçıxan