Ümummilli Lider Heydər Əliyevin 100 illik yubileyi ilə əlaqədar “Mən fəxr edirəm ki, Azərbaycanlıyam” tədbirlər çərçivəsində Naxçıvan Muxtar Respublikasının Ailə, Qadın Və Uşaq Problemləri üzrə Dövlət Komitəsi tərəfindən xüsusi qayğıya ehtiyacı olan, hər iki valideynini itirmiş, valideyn himayəsindən məhrum olmuş və sağlamlıq imkanları məhdud uşaqların muzeylərə və tarixi abidədlərə ekskursiyaları təşkil edilib.
Ekskursiya zamanı uşaqlar ilk olaraq Hüseyn Cavidin qəbri üzərində ucaldılmış memarlıq-xatirə kompleksini ziyarət ediblər.
Ekskursiya Naxçıvan Dövlət Tarix Muzeyi ilə davam edib. Muzey bələdçisi uşaqları muzeydə olan eksponatlarla tanış edərək onlar haqqında ətraflı məlumat verib, uşaqları maraqlandıran sualları cavablandırıb. Daha sonra uşaqlar Bəhruz Kəngərli Muzeyini ziyarət edib, muzeyin fondunda olan eksponatlarla yaxından tanış olublar. Muzey bələdçisi bildirib ki, sağlamlıq imkanları məhdud olan sənətkar cəmi 30 il ömür sürməsinə baxmayaraq əsərlərini sərgiləyib, əldə etdiyi gəliri kasıb ailələrin uşaqları üçün məktəb pulu toplayan , onların təhsil almasına köməklik göstərən görkəmli şəxsiyyət kimi hər zaman tarixdə və yaddaşlarda yaşayacaqdır.
NTV canlı
Radio canlı
Nuhçıxan