Yağan güclü qar Gürcüstanın bir sıra magistral avtomobil yollarında ciddi problemlər yaradıb.
NUHÇIXAN xəbər verir ki, bu barədə Gürcüstanın Regional İnkişaf və İnfrastruktur Nazirliyinin Avtomobil Yolları Departamenti məlumat yayıb.
Gürcüstandan Rusiyaya gedən beynəlxalq əhəmiyyətli “Yuxarı Lars” avtomobil yolunda qoşqulu və yarımqoşqulu avtomobillərin, həmçinin Borjomi-Bakuriani-Axalkalaki avtomobil yolunun Andesite-Qado hissəsində isə bütün növ avtonəqliyyat vasitələrinin hərəkəti qadağan edilib.
Qarla əlaqədar olaraq avtomobil yolunun Zuqdidi-Cvari-Mestia-Lasdil, Uşquli-Lasdil və Mestia-Uşquli hissələrində bütün növ avtonəqliyyat vasitələrinin hərəkəti qadağandır.
Eyni zamanda, qar nəticəsində Kutaisi-Tkibuli-Ambrolauri avtomobil yolunun bəzi hissələrində qoşqulu və yarımqoşqulu avtonəqliyyat vasitələrinin hərəkəti qadağan edilib.
NTV canlı
Radio canlı
Nuhçıxan