Bazar günü axşam saatlarında Vyetnamın cənubundakı Hoşimin şəhərində yaşayış kompleksində baş verən yanğın nəticəsində ikisi uşaq olmaqla 8 nəfər həyatını itirib.
NTV xəbər verir ki, bu barədə Vyetnam Xəbər Agentliyi məlumat yayıb.
Yanğının axşam saat 22 radələrində yaşayış kompleksinin birinci mərtəbəsində baş verdiyi bildirilir. Alov sürətlə yayılıb və sakinlərin təşviş içində binanı tərk etməsi xaotik evakuasiyaya səbəb olub.
Yanğın nəticəsində bir çox nəqliyyat vasitələri – avtomobillər, motosiklet və velosipedlər tamamilə yanıb.
Vyetnam Milli Statistika İdarəsinin məlumatına görə, bu ilin birinci yarısında ölkə üzrə ümumilikdə 1723 yanğın və partlayış baş verib, nəticədə 48 nəfər ölüb, 75 nəfər yaralanıb.
NTV canlı
Radio canlı
Nuhçıxan