ABŞ-nin mis yarımfabrikatları və məmulatlarının idxalına tətbiq etdiyi 50 %-lik rüsumlar, analitiklərin fikrincə, ölkədə emalın artmasına səbəb olmayacaq, əksinə, Çinin bu sahədə mövqeyini gücləndirə bilər.
NTV-nin məlumatına görə, bu barədə “Financial Times” sahə analitiklərinə istinadən yazıb.
“Trampın ABŞ bazarı üçün yaratdığı maneələr uzunmüddətli perspektivdə Çinin bu bazarların bir çoxunda öz dominantlığını artırmasını asanlaşdıracaq”, - ANZ-nin baş əmtəə strateqi Deniel Hayns deyib.
Zəif infrastruktur səbəblərdən biridir. ABŞ-də cəmi iki misəritmə zavodu varsa, Çində onlarla belə zavod var. “Anglo American”ın baş direktoru Dankan Vanbladın sözlərinə görə, ABŞ-də misəritmə zavodlarının tikintisinin dəyəri orta göstərici ilə müqayisədə olduqca yüksək olacaq.
“Biz ancaq qlobal səviyyədə daha çox inflyasiya mühiti tətbiq etdik”, - o əlavə edib.
“Fortescue Metals Group”un sədri Endryu Forrest hesab edir ki, tariflər hətta Şimali Amerikada istehsalın artımını dayandıra və iş yerlərinin “ixracına” səbəb ola bilər.
“Earth”ün məlumatına görə, Çində misəritmə fəaliyyəti iyun ayında 1 % artıb, digər ölkələrdə isə 2 %-dən çox azalıb.
“Çinli dövlət oyunçuları, böyük oyunçular çox uzun müddət çətin bazar şərtlərinə tab gətirə bilər”, - CRU-nun əlvan metalların tədarükü şöbəsinin rəhbəri Erik Heymlix söyləyib.
NTV canlı
Radio canlı
Nuhçıxan