Avropa İttifaqı (Aİ) Venesuelada baş verən son hadisələr fonunda tərəfləri sakitliyə, təmkinə və böhranın sülh yolu ilə həllinə çağırıb. Bu barədə Avropa Xarici Fəaliyyət Xidmətinin yaydığı bəyanatda bildirilir.
NTV xəbər verir ki, sənədi Aİ-yə üzv 26 ölkə, o cümlədən Çexiya dəstəkləyib. Açıqlamaya qoşulmayan yeganə üzv dövlət isə Macarıstan olub.
Bəyanatda Avropa İttifaqının Venesuelada mövcud siyasi vəziyyətə dair əvvəlki mövqeyi xatırladılır və ölkədə demokratik keçidin dinc, venesuelalıların özləri tərəfindən həyata keçirilməsinin vacibliyi vurğulanır. Brüssel Venesuela xalqının gələcəyini müstəqil şəkildə müəyyən etmək hüququna hörmət edilməsinin əsas şərt olduğunu qeyd edir və bunun böhrandan çıxış yolu kimi dəyərləndirildiyini bildirir.
Aİ ölkələri beynəlxalq hüquqa və BMT Nizamnaməsinə əməl olunmasının zəruriliyini də önə çəkiblər. Eyni zamanda, transsərhəd mütəşəkkil cinayətkarlıq və narkotik qaçaqmalçılığı ilə mübarizədə əməkdaşlığa hazır olduqlarını bildiriblər.
Qeyd olunur ki, Aİ üzvü olan dövlətlər, o cümlədən Çexiya, ABŞ və regiondakı tərəfdaşlarla təmasları davam etdirir.
NTV canlı
Radio canlı
Nuhçıxan