ABŞ Müharibə Nazirliyi Avropada yerləşən döyüş briqada qruplarının sayını dörddən üçə endirib.
NTV xəbər verir ki, bunu Pentaqonun sözçüsü Şon Parnell bildirib.
Onun sözlərinə görə, qərar ABŞ qüvvələrinin Avropadakı yerləşdirilməsinin yenidən qiymətləndirilməsi nəticəsində qəbul olunub və bu, 2021-ci ildəki səviyyəyə dönüş deməkdir. Parnell qeyd edib ki, dəyişiklik Polşada Amerika qüvvələrinin yerləşdirilməsində müvəqqəti gecikməyə səbəb olacaq.
O əlavə edib ki, gələcək qərarlar ABŞ-nin strateji ehtiyacları və müttəfiqlərin Avropanın müdafiəsində iştirak imkanları nəzərə alınaraq veriləcək.
Pentaqon sözçüsü bildirib ki, bu yanaşma Prezident Donald Trampın siyasətinə uyğundur və NATO müttəfiqlərinin Avropanın müdafiəsində daha böyük məsuliyyət daşımasını təşviq edir.
NTV canlı
Radio canlı
Nuhçıxan