Konqo Demokratik Respublikasında Ebola virusundan 204 nəfərin öldüyü, 867-sinin isə bu xəstəliyə yoluxduğu ehtimal edilir.
NTV xəbər verir ki, bu barədə ölkənin Rabitə və Kütləvi İnformasiya Nazirliyi məlumat yayıb.
Bildirildiyinə görə, hələlik laboratoriya testləri 10 ölüm və 91 yoluxma halını təsdiqləyib.
Rəsmi məlumatlara görə, epidemiya hazırda ölkənin İturi, Şimali Kivu və Cənubi Kivu əyalətlərini əhatə edir.
Ümumdünya Səhiyyə Təşkilatı tərəfindən Konqo Demokratik Respublikasında və Uqandada Ebola epidemiyası ilə bağlı fövqəladə vəziyyət elan olunub.
NTV canlı
Radio canlı
Nuhçıxan