Konqo Demokratik Respublikasının (KDR) şimal-şərqində yerləşən xəstəxanada izolyatora hücum edilib, 13 Ebola xəstəsi müəssisədən qaçıb.
NTV-nin məlumatına görə, yoluxanların hazırkı yeri məlum deyil.
Bildirilir ki, Ebola karantin mərkəzlərinə xəstələrin yaxınları hücum edib.
Ümumdünya Səhiyyə Təşkilatının (ÜST) baş direktoru Tedros Adhanom Qhebreyesus isə bildirib ki, hazırda Ebola xəstəliyindən 220 şübhəli ölüm qeydə alınıb və halların gec aşkarlanması səbəbindən cavab verən qurumlar artıq “geri qalaraq vəziyyəti çatmağa çalışırlar”.
“Biz təcili şəkildə fəaliyyətimizi genişləndiririk, lakin hazırda epidemiya bizi qabaqlayır”, — ÜST-nin baş direktoru deyib.
O əlavə edib ki, epidemiya mərkəzi olan Konqo Demokratik Respublikasının sərhədlərində yerləşən ölkələr dərhal tədbir görməlidir.
NTV canlı
Radio canlı
Nuhçıxan