Kolumbiyanın cənub-qərbində yerləşən qanunsuz qızıl mədəni çöküb, nəticədə 9 nəfər ölüb.
NTV xəbər verir ki, bu barədə Narino Departamentinin Sülh və İnsan Hüquqları katibi Aleks Qonsales “Caracol” telekanalına açıqlamasında bildirib.
Onun sözlərinə görə, mədənin çökməsi nəticəsində bir neçə işçi dağıntılar altında qalıb. Çətin relyef və təhlükəsizlik problemlərinə baxmayaraq, ərazidə axtarış-xilasetmə əməliyyatları davam edir.
Telekanalın məlumatına görə, ölənlərin sayının 12-15 nəfərə çatacağı ehtimal olunur.
Hadisə Narino departamentinin Santa Barbara bələdiyyəsində yerləşən qanunsuz qızıl mədənində baş verib.
NTV canlı
Radio canlı
Nuhçıxan