Naxçıvan televiziyası İnformasiya Agentliyi xəbər verir ki, Naxçıvan Dövlət Universitetində “Jurnalistlər üçün hüquq məktəbi” layihəsinə yekun vurulub.
Aprelin 25-dən keçirilən “Jurnalistlər üçün hüquq məktəbi” layihəsi çərçivəsində keçirilən təlimlərdə muxtar respublikada müxtəlif media qurumlarında çalışan jurnalistlər və universitetin Jurnalistika ixtisasında təhsil alan tələbələr cəlb olunub.
Bu gün başa çatan layihənin yekun tədbirində Naxçıvan Dövlət Universitetinin sosial məsələlər üzrə prorektoru Arzu Abdullayev, “Naxçıvan Muxtar Respublikası Televiziya və Radio Verilişləri” Qapalı Səhmdar Cəmiyyətinin sədr müavini Xaliq Babayev və Naxçıvan Muxtar Respublikası Ali Məhkəməsinin Hakimi Səxavət Novruzov çıxış edərək bu cür layihələrin həyata keçirilməsini media sahəsində hüquqi savadlılığın artırılması baxımından yüksək qiymətləndiriblər.
Layihə çərçivəsində keçirilən sertifikasiya imtahanının nəticələrinə uyğun olaraq 50 jurnalistə və bu ixtisas üzrə təhsil alan tələbələrə sertifikatlar, təşkilatçılar və təlimçilərə isə təşəkkürnamələr təqdim olunub.
Elmir Tağıyev
NTV canlı
Radio canlı
Nuhçıxan