Bu gün futbol üzrə Azərbaycan yığması UEFA Millətlər Liqasının C Divizionunda sonuncu matçını keçirəcək.
Naxçıvan televiziyası xəbər verir ki, I qrupda yer alan milli komanda səfərdə İsveçin qonağı olacaq. “Strouberri Arena”da oynanılacaq görüş Bakı vaxtı ilə saat 23:45-də başlayacaq.
Qarşılaşmanı polşalı Pavel Raçkovski idarə edəcək.
Azərbaycan milli komandası C Liqasında qalmaq şanslarını davam etdirmək üçün çətin səfər oyununda mütləq qələbə qazanmalıdır. Bu baş verərsə, yığmamız ən yaxşı qrup sonuncularından biri kimi D Liqasında öz qrupunu 2-ci pillədə tamamlayan komandalardan biri ilə gələn il pley-off matçları keçirəcək.
Qeyd edək ki, İsveç millisi 13 xalla qrup liderliyini təmin edib. Azərbaycan seçməsi isə 1 xalla sonuncu – 4-cü sırada qərarlaşıb.
NTV canlı
Radio canlı
Nuhçıxan