Almaniyanın futbol tarixində yeni rekord qeydə alınıb.
NTV xəbər verir ki, Almaniya Futbol Federasiyası (DFB) üzvlərinin sayının ilk dəfə olaraq 8 milyonu keçdiyini açıqlayıb. Bu rəqəm ötən illə müqayisədə 3,86 faiz artıb.
Ən böyük artım 16 yaşadək qızlar arasında qeydə alınıb. Bu yaş qrupunda üzvlərin sayı 9 faiz artıb. 2021-ci illə müqayisədə federasiyaya təxminən bir milyon nəfər üzv olub.
DFB, həmçinin ölkədə fəaliyyət göstərən hakimlərin sayında da artım olduğunu bildirib. Son on ildə ilk dəfədir ki, 60 min nəfərdən çox hakim aktiv fəaliyyət göstərir. Qadın hakimlərin nisbəti dəyişməyərək 4,5 faiz olaraq qalsa da, üzvlər arasında qadınların və qızların payı artmaqdadır.
Elvin Mövsüm
NTV canlı
Radio canlı
Nuhçıxan