Naxçıvanda sığortalı fermerlərə dəymiş ziyan Aqrar Sığorta Fondu tərəfindən ödəniləcək

Naxçıvanda sığortalı fermerlərə dəymiş ziyan Aqrar Sığorta Fondu tərəfindən 7 iş günü müddətində ödəniləcək.

NTV NUHÇIXAN-a istinadən xəbər verir ki, bu sözləri müsahibəsində Aqrar Sığorta Fondunun Naxçıvan filialının rəhbəri Sərxan Məmmədov bildirib. O qeyd edib ki, dolu nəticəsində zərərçəkmiş sığortalı fermerlərə dəymiş ziyan gözləmə müddətində bitdikdən, müraciətlər yekunlaşdıqdan sonra müstəqil ekspert tərəfindən sahələrə baxış keçirilərək dəyən ziyanın məbləği dəqiqləşdiriləcək. 

Filial rəhbəri onu da bildirib ki, bu proses başa çatdıqdan sonra öz təsərrüfatını sığortalayan fermerlərə dəymiş ziyan Aqrar Sığorta Fondu tərəfindən yeddi iş günü müddətində ödəniləcək.

Qeyd edək ki, əsasən, muxtar respublikanın Şahbuz və Babək rayonlarındakı təsərrüfat sahələri dolu nəticəsində daha çox ziyan görüb.