Naxçıvan televiziyası xəbər verir ki, bu gün Xalq artisti, Naxçıvan Dövlət Milli Dram Teatrının aktyoru Rövşən Hüseynovun doğum günüdür. Rövşən Hüseynov 1954-cü il fevralın 6-da Naxçıvanda sənətkar ailəsində doğulub. Anası Xalq artisti Sofiya Hüseynova, atası uzun illər Naxçıvan teatrında inzibati işlərdə çalışan Maqsud Hüseynovdur.Uşaqlıq illərini teatrın səhnəsində keçirən aktyor 14 yaşından teatrın truppasına aktyor kimi qəbul edilib.Səhnədə keçən illər ərzində bir-birindən maraqlı obrazlar qalereyası yaradan Rövşən Hüseynovun əməyi dövlətimiz tərəfindən yüksək qiymətləndirilib. Aktyor 1987-ci ildə Azərbaycan Respublikasının Əməkdar artisti, 2008-ci ildə isə Xalq artisti fəxri adına layiq görülüb.
Rövşən Hüseynov həm də Naxçıvan televiziyası ilə fəal əməkdaşlıq edən görkəmli aktyorlarımızdan biridir. Naxçıvan Televiziyasının kollektivi adından Rövşən Hüseynovu təbrik edir və yeni yaradıcılıq uğurları arzu edirik.
NTV canlı
Radio canlı
Nuhçıxan