Rusiya xarici işlər naziri Sergey Lavrov azərbaycanlı həmkarı Ceyhun Bayramovu ölkələr arasında diplomatik münasibətlərin qurulmasının 33-cü ildönümü münasibətilə təbrik edib.
Naxçıvan televiziyası-ın məlumatına görə, bu barədə Rusiya XİN-in mətbuat xidməti məlumat yayıb.
S.Lavrov qeyd edib ki, ötən onilliklər ərzində dostluq və mehriban qonşuluq prinsiplərinə əsaslanan iki ölkə arasındakı münasibətlər möhkəmlənib və inkişaf etməkdə davam edir, Azərbaycan Prezidenti İlham Əliyevlə Rusiya Prezidenti Vladimir Putin arasındakı münasibətlər etimada əsaslanır.
Rusiyalı nazir onun rəhbərlik etdiyi qurumun Azərbaycan XİN ilə əməkdaşlığın davam etdirilməsinə yönəldiyini vurğulayıb.
"Əminəm ki, beynəlxalq platformalarda fəaliyyətlərin koordinasiyası və qarşılıqlı dəstək, MDB və regional formatlar çərçivəsində səmərəli əməkdaşlıq qarşılıqlı faydalı razılaşmaların həyata keçirilməsinə, Cənubi Qafqaz və Xəzər regionunda sabitlik və təhlükəsizliyin möhkəmləndirilməsinə xidmət edəcək", - deyə o qeyd edib.
NTV canlı
Radio canlı
Nuhçıxan