Gürcü və azərbaycanlı gənclər arasında əlaqələrin genişləndirilməsi məsələləri müzakirə olunub

Azərbaycanın gənclər və idman nazirinin müavini Fərhad Hacıyev Gürcüstana səfəri çərçivəsində bu ölkənin təhsil və elm naziri Givi Mikanadze ilə görüşüb.

NTV xəbər verir ki, görüşdə gənclər siyasəti sahəsində ikitərəfli əməkdaşlığın dərinləşdirilməsi perspektivlərindən söhbət açılıb.

İki ölkənin gəncləri arasında əlaqələrin gücləndirilməsi, birgə layihələrin həyata keçirilməsi müzakirə olunub.

Tərəflər gürcü və azərbaycanlı gənclər arasında əlaqələrin genişləndirilməsinin vacibliyini vurğulayıblar.

Görüşdə Azərbaycanın Gürcüstandakı səfiri Faiq Quliyev, Azərbaycan Gənclər və İdman Nazirliyinin gənclər şöbəsinin müdiri Ramil Cabarov, həmçinin səfirliyin müşaviri Kamal Xəlilov iştirak ediblər.