Muxtar respublikada 2023-cü ildən etibarən icrasına başlanılan əməkhaqqının bir hissəsinin işsizlikdən sığorta fondunun vəsaiti hesabına birgə maliyyələşdirilməsi proqramı çərçivəsində işaxtaranlar və işsiz şəxslərin məşğulluğunu təmin etmək və işəgötürənləri həvəsləndirmək məqsədilə boş iş yeri üzrə işə götürülən işçinin əməkhaqqının bir hissəsinin maliyyələşdirilməsi nazirliyin tabeliyində Dövlət Məşğulluq Agentliyi tərəfindən həyata keçirilir. Hesabat ilində 2023-cü ildə cəlb olunanlardan 9 nəfər, 2024-cü ildə cəlb olunanlardan 32 nəfər olmaqla, ümumilikdə 41 nəfər müvafiq proqram çərçivəsində əmək fəaliyyətini davam etdirib və il ərzində işəgötürənlərin hesabına 72 min 324.36 manat vəsaitin köçürülməsi təmin edilib.
Naxçıvan televiziyası xəbər verir ki, bu sözləri Naxçıvan Muxtar Respublikasının əmək və əhalinin sosial müdafiəsi nazirinin müavini, nazir vəzifələrini müvəqqəti icra edən Fərid Bağırzadə 2024-cü ilin yekunlarına dair mətbuat konfransında deyib.
Nazir müavini qeyd edib ki, muxtar respublikada icrasına ilk dəfə 2023-cü ildən başlanan işsizlikdən sığorta ödənişi çərçivəsində 2024-cü ildə 273 şəxsə təyinat aparılıb, bu istiqamətdə 425 min 445.93 manat ödəniş həyata keçirilib.
NTV canlı
Radio canlı
Nuhçıxan