Naxçıvanda könüllü qanvermə aksiyası keçirilib
Naxçıvan televiziyası xəbər verir ki, Naxçıvan Muxtar Respublika Xəstəxanasında 1 İyun - Uşaqların Beynəlxalq Müdafiəsi Günü münasibətilə hemofiliyalı, talassemiyalı və leykoz xəstəliyindən əziyyət çəkən uşaqlar üçün qanvermə aksiyası keçirilib.
Qanvermə aksiyasında donorların və tibb işçilərinin təhlükəsizliyini təmin etmək üçün bütün zəruri tədbirlər görülüb, könüllülər tibbi müayinədən keçirilib, infeksion xəstəliklərə qarşı yoxlamalar aparıldıqdan sonra könüllülərdən 6 litr qan toplanılaraq Naxçıvan Muxtar Respublikası Xəstəxanasının qan bankına təhvil verilib.
Könüllü qanvermə aksiyası Naxçıvan Muxtar Respublikasının İnsan Hüquqları üzrə Müvəkkili (Ombudsman) Aparatının, Ailə, Qadın və Uşaq Problemləri üzrə Dövlət Komitəsinin və Səhiyyə Nazirliyinin birgə təşkilatçılığı ilə keçirilib.
Oruc Mirzəyev
NTV canlı
Radio canlı
Nuhçıxan