İndiyədək birinci sinfə qeydiyyatla bağlı müraciət edənlərin sayı açıqlanıb

İndiyədək birinci sinfə qeydiyyatla bağlı müraciət edənlərin sayı açıqlanıb.

Bu barədə Naxçıvan televiziyası-a Elm və Təhsil Nazirliyindən məlumat verilib.

Bildirilib ki, bu günədək birinci sinfə qəbulla bağlı ümumilikdə 128 339 nəfər sorğu yerləşdirib. Onlardan 68 113 nəfəri oğlan, 60 226-sı isə qızdır.

115 840 nəfər Azərbaycan bölməsi, 11 514 nəfər rus bölməsi, 985 nəfər isə tədris digər dillərdə aparılan bölmələr üzrə sorğu yerləşdirib.

Qeyd edək ki, 2023–2024-cü tədris ili üzrə ümumi təhsil müəssisələrinin birinci siniflərinə şagird qəbulu davam edir. Qəbul prosesi www.mektebeqebul.edu.az elektron portalı vasitəsilə aparılır. Birinci sinfə qəbulla bağlı elektron qeydiyyat prosesi sentyabrın 14-də başa çatacaq.