Ermənistan Mərkəzi Seçki Komissiyası (MSK) bu gün keçirilən iclasda ölkənin Avropa İttifaqına qoşulması prosesinin başlanması ilə əlaqədar vətəndaş təşəbbüsü tərəfindən təqdim edilmiş imzaların etibarlılığını təsdiq edib.
Naxçıvan televiziyası xəbər verir ki, bu barədə Ermənistan KİV-ləri MSK-ya istinadən məlumat yayıb.
Komissiya texniki və proqram vasitələrindən istifadə edərək imzaların həqiqiliyini yoxlayıb, o cümlədən imzalanmış blanklardakı məlumatları dövlət orqanları və yerli özünüidarəetmə orqanlarının sərəncamında olan məlumatlarla müqayisə edib. Prosesi təşəbbüs qrupunun nümayəndələri izləyib. Etibarlı imzaların sayı 52 351 olub.
Ermənistanın "Referendum haqqında" konstitusiya qanununa əsasən, təşəbbüs qrupunun qanun layihəsini parlamentə təqdim etməsi üçün ən azı 50 min etibarlı imza tələb olunur.
NTV canlı
Radio canlı
Nuhçıxan