İsveçrədə kurortda partlayış olub, ölənlərin sayı 40-a çatıb, azı 100 nəfər yaralanıb - YENİLƏNİB 2

İsveçrənin Kran-Montana dağ-xizək kurortundakı barda baş verən partlayış nəticəsində təxminən 40 nəfər ölüb.

NTV xəbər verir ki, bu barədə "Le Nouvelliste" qəzeti məlumat yayıb.

Məlumata görə, azı 100 nəfər yaralanıb.

12:12

İsveçrədə dağ-xizək kurortunda bir barda baş verən partlayış nəticəsində azı 10 nəfər ölüb.

NTV xəbər verir ki, bu barədə "Sky News" telekanalı polisə istinadən məlumat yayıb.

Eyni zamanda, 10 nəfərin yaralandığı bildirilib.

Telekanalın məlumatına görə, İsveçrə polisi hadisəni terror aktı hesab etmir.

11:13

İsveçrənin Kran-Montana dağ-xizək kurortunda bir kafedə partlayış baş verib, bir neçə nəfər ölüb.

NTV  xəbər verir ki, bu barədə AFP agentliyi polisə istinadən məlumat yayıb.

Hüquq-mühafizə orqanlarından bildirilib ki, hadisə nəticəsində yaralananlar da var. Lakin onların sayı dəqiqləşdirilməyib.