Ukrayna Prezidentinin saytında xaricə getməsi qadağan olunan vəzifəli şəxslərin siyahısı dərc olunub.
Naxçıvan televiziyası İnformasiya Agentliyi Ukrinform agentliyinə istinadla xəbər verir ki, Prezident Volodimir Zelenski məmurların, hüquq-mühafizə orqanları əməkdaşlarının və bir sıra digər vəzifəli şəxslərin dövlət işləri istisna olmaqla, xarici ölkələrə getməsini, yaxud məzuniyyətə çıxmasını qadağan edən fərman imzalayıb.
Ukrayna prezidenti, həmçinin Təhlükəsizlik Xidmətinə bütün dövlət orqanlarının xarici səfərlər üçün verdiyi qərarların qanuniliyini yoxlamağı tapşırıb.
Qadağa fonunda ilk istefa yanvarın 23-də baş verib. Baş prokurorun müavini Oleksi Simonenko Volodimir Zelenskinin xaricə səfərlərdən, kurortlara getməkdən imtina edilməsi barədə tələbinə baxmayaraq, məzuniyyətinin on gününü İspaniyanın Marbella şəhərində keçirdiyi üçün vəzifəsindən azad olunub.
NTV canlı
Radio canlı
Nuhçıxan