Növbəti təmizlik aksiyası Batabat yaylağı ərazisində keçirilib - FOTOLAR

“Konstitusiya və Suverenlik İli” çərçivəsində Naxçıvan Muxtar Respublikası Ekologiya və Təbii Sərvətlər Nazirliyi tərəfindən “Hər kəsin sağlam ətraf mühitdə yaşamaq hüququ vardır” devizi altında təmizlik aksiyası təşkil olunub. Növbəti aksiya Şahbuz rayonu Batabat yaylağı ərazisində keçirilib.
NTV bildirir ki, Ekokönüllülərin fəal iştirak etdiyi aksiyaya Nazirliyin və tabeliyində olan qurumların əməkdaşları da qoşulublar. İştirakçılar zəruri sanitar ləvazimatlarla təmin olunaraq insanların istirahət üçün üz tutduqları ərazidəki yaşıllıq sahələrində məişət tullantılarını toplayıb, ictimaiyyətə ətraf mühitin mühafizəsi ilə bağlı çağırışlar ediblər. 
Nazirlik tərəfindən ətraf mühitin mühafizəsi, ictimaiyyətin ekoloji problemlərə qarşı həssaslığının artırılması və təmiz təbiətə töhfə vermək məqsədi daşıyan təmizlik aksiyalarının cari il ərzində davam etdirilməsi nəzərdə tutulur.
Qeyd edək ki, Naxçıvan Muxtar Respublikası Ekologiya və Təbii Sərvətlər Nazirliyi tərəfindən mütəmadi olaraq ekoloji-hüquqi maarifləndirmə işləri aparılır, eyni zamanda ətraf mühiti çirkləndirən şəxslərə qarşı inzibati tədbirlər görülür.