Futbol üzrə Azərbaycan millisinin “Avro-2024”ün seçmə mərhələsindəki rəqibi Belçika yığması yoldaşlıq görüşü keçirəcək.
Naxçıvan televiziyası İnformasiya Agentliyi xəbər verir ki, komanda Almaniya ilə qarşılaşacaq. Oyun martın 28-də Kölndə keçiriləcək. Bu barədə Almaniya Futbol Assosiasiyasının mətbuat xidməti məlumat yayıb.
Bu oyundan 4 gün əvvəl isə Belçika “Avro-2024”ün seçmə mərhələsindəki ilk qarşlaşmasında İsveçin qonağı olacaq. Həmin gün Azərbaycan millisi səfərdə Avstriya ilə üz-üzə gələcək.
Qeyd edək ki, Azərbaycanla Belçika arasında oyunlar sentyabrın 9-da Bakıda, noyabrın 19-da isə Brüsseldə olacaq.
NTV canlı
Radio canlı
Nuhçıxan