Bu gün İsveçrənin Bazel şəhərində 69-cu “Avroviziya” beynəlxalq mahnı müsabiqəsinin ilk yarımfinalı keçiriləcək.
NTV xəbər verir ki, ölkəmizi müsabiqədə təmsil edən "Mamagama" qrupu 10-cu nömrə altında səhnəyə çıxacaq. Qrup Avropa səhnəsinə "Run with U" adlı dinamik və enerjili mahnı ilə çıxacaq. Mahnının sözləri Asəf Mişiyevə, musiqisi Asəf Mişiyev, Həsən Heydər və Roman Zilianevə aiddir.
ilk yarımfinalda Azərbaycanla yanaşı, Estoniya, İslandiya, Polşa, Portuqaliya, Sloveniya, İsveç , Ukrayna, Albaniya, Belçika, Xorvatiya, Kipr, Hollandiya, Norveç, San-Marino təmsilçiləri də yarışacaqlar.
Yarımfinalın nəticələrinə əsasən mükafat uğrunda mübarizəni davam etdirəcək 10 finalçı müəyyənləşəcək. İctimai Televiziyada birbaşa yayımlanacaq müsabiqə yerli vaxtla saatla 23:00-da başlayır. Müsabiqənin şərhçiləri musiqi prodüseri, musiqiçi və pedaqoq Elnarə Xəlilova, həmçinin televiziya və radio aparıcısı Ağa Nadirov olacaq.
Qeyd edək ki, yarışmanın ikinci yarımfinalı mayın 15-də, final isə 17-də keçiriləcək.
NTV canlı
Radio canlı
Nuhçıxan