Dünyanın hər yerindən ifaçıları və yaradıcı qrupları bir araya gətirən və Şimali Avropanın ən əlamətdar mədəniyyət tədbirlərindən biri hesab edilən illik xalq musiqisi festivalı Estoniyanın mənzərəli Viljandi şəhərində keçirilib.
NTV xəbər verir ki, Beynəlxalq Folklor Festivalında Azərbaycanın mədəniyyəti proqramı da təqdim olunub.
Proqramın əsas hissəsini Azərbaycanın Xalq artisti Natiq Şirinovun rəhbərlik etdiyi “Natiq ritm” qrupu ansamblının çıxışı təşkil edib. Milli zərb alətlərindən istifadə edən qrup xalq musiqisi əsərlərini səsləndirib. Ansamblın proqramına ənənəvi muğam elementləri ilə müasir etnosəsin ritmik formalarının sintezinə əsaslanan əsərlər daxil edilib.
Tədbirdə, həmçinin “Buta”nın və onun incəsənət studiyasının ekspozisiyası nümayiş etdirilib.
Festivala gələn qonaqlara dekorativ-tətbiqi sənəti, milli ornamentləri, xalq geyimlərini və sənətkarlıq nümunələrini daha yaxından tanımaq imkanı yaradılıb, habelə milli mədəniyyətin müxtəlif aspektləri ilə tanış olmaq üçün ustad dərsləri də təşkil edilib.
Tədbirlərdən biri də rəssam Rövşən Nurun bədii müdaxiləsi olub. O, “Natiq ritm” qrupu ansamblının çıxışı zamanı “Natiqin musiqisi” adlı əsəri çəkərək bədii tamaşa həyata keçirib. Əsər real vaxt rejimində yaradılıb və musiqi müşayiətinin vizual interpretasiyasına yönəlib.
NTV canlı
Radio canlı
Nuhçıxan