Naxçıvan televiziyası İnformasiya Agentliyi xəbər verir ki, Şərur Rayon Xalq Teatrı yazıçı - dramaturq Seyfəddin Dağlının “Adı sənin, dadı mənim” komediyası əsasında səhnələşdirdiyi tamaşanı Kəngərlidə nümayiş etdirib.
Kəngərli Rayon Mədəniyyət Sarayında təqdim olunan bir pərdə, dörd şəkilli tamaşada hadisələr keçən əsrin 80-ci illərinin sonunda Azərbaycan şəhərlərindən birində cərəyan edir. Hadisələr o dövrün eybəcərliklərini göstərir.
Tamaşaçılar Qəlyanalının çirkin əməllərinin şahidi olurlar. Müxtəlif çirkin yollarla qazandığı pulları başqasının adına sənədləşdirən Qəlyanalı və onun ətrafındakılar gülüş hədəfidirlər.
Tamaşanın quruluşçu rejissoru Əməkdar artist Nemət Sultanov, rəssamı Məlahət Həsənova, musiqi tərtibatçısı isə Turan Əsədovdur. Uğurlu səhnə həllində Nemət Sultanov, Aysel Musayeva, Məhərrəm Əbilsoy, Sevinc Əlizadə, Mirtahir Seyidov, Rza Quliyev kimi istedadlı aktyorlar obrazları təbii və canlı təqdim ediblər.
Adilə Səfərova
NTV canlı
Radio canlı
Nuhçıxan