Ərdoğan: Türkiyənin Türkiyədən böyük olduğu həqiqəti 15 iyulda anlaşıldı

Türkiyənin Türkiyədən böyük olduğu həqiqəti 15 iyulda anlaşıldı.

NTV-nin məlumatına görə, bunu Türkiyə Prezidenti Rəcəb Tayyib Ərdoğan 15 İyul - Demokratiya və Milli Birlik Günü münasibətilə Türkiyə Böyük Millət Məclisində “Zəfərin adı Türkiyə” mövzusunda keçirilən tədbirdə deyib.

“İşğalçıya baş əyməyən şəhidimi rəhmətlə anır, qazilərimizə təşəkkür edirəm. Dünyanın dörd bir tərəfində quranlar bizim üçün oxundu, dualar bizim üçün edildi. O gecə millət olma şüurunu bir daha gördük. Türkiyənin Türkiyədən böyük olduğu həqiqəti 15 iyulda anlaşıldı”, - o qeyd edib.

Türkiyə Prezidenti əlavə edib ki, Türk milləti 15 iyulda canı və qanı ilə dastan yazdı:

“Bu dastan çılpaq əllərin tanklar üzərində qalibiyyətidir. Bu dastan ruhunu satan manqurtlara qarşı qələbədir”.