Şahbuz rayonunun Kükü kəndində qarın hündürlüyü 33 sm olub - FOTOLAR

Naxçıvan şəhərinə və muxtar respublikanın bölgələrinə qar yağmağa davam edir.

Naxçıvan Muxtar Respublikası Ekologiya və Təbii Sərvətlər Nazirliyinin Hidrometeorologiya Mərkəzindən Naxçıvan televiziyası-a verilən məlumata görə, fevralın 22-i saat 07:00-a olan məlumatına əsasən Naxçıvan şəhərinə, Ordubad rayonunun Parağaçay, Gilançay, Şahbuz rayonunun Kükü, Biçənək, Şərur rayonunun Axura, Culfa rayonunun Ərəfsə, Göydərə istiqamətlərinə və digər yüksək dağlıq ərazilərə qar yağıb.

Qarın hündürlüyü Naxçıvan şəhərində 12, Ordubad şəhərində 3, Parağaçayda 22, Gilançayda 20, Culfa şəhərində 3, Göydərədə 20, Ərəfsədə 23, Şahbuz şəhərində 15, Biçənəkdə 18, Küküdə 33, Şərur şəhərində 1, Axurada 16, Sədərək rayonunda isə 10 sm olub.

Qeyd edək ki, muxtar respublikada qarlı hava şəraiti fevralın 23-nə kimi davam edəcək.