Naxçıvan Muxtar Respublikası Ekologiya və Təbii Sərvətlər Nazirliyinin tabeliyində fəaliyyət göstərən “Yaşıllaşdırma və Landşaft Quruluşu” MMC-nin əməkdaşları tərəfindən “Əshabi-Kəhf” Ziyarətgahı Dini-Mədəni Abidə Kompleksinə gedən avtomobil yolunun kənarındakı yaşıllıq sahələrində damcılı suvarma sistemi quraşdırılıb.
Yeni suvarma sisteminin tətbiqi ilə yolboyu salınmış yaşıllıqların daha səmərəli və qənaətli şəkildə suvarılması təmin olunacaq.
Ətraf mühitin mühafizəsi və yaşıllıq sahələrinin uzunömürlülüyü baxımından xüsusi əhəmiyyət daşıyan damcılı suvarma sistemi torpağın rütubət balansını qoruyaraq su itkisinin qarşısını alır və bitkilərin kök zonasına birbaşa suyun ötürülməsi ilə suvarma keyfiyyətini artırır.
Bu yenilik, həmçinin müasir ekoloji yanaşmalar əsasında su ehtiyatlarından səmərəli istifadə edilir və uzunmüddətli dövrdə texniki xidmət xərclərini minimuma endirir. Ətraf mühitə uyğun texnologiyaların tətbiqi ilə yanaşı, dini-mədəni məkanlara aparan yolların estetik görünüşünün qorunması və yaşıllaşdırma işlərinin davamlılığının təmin olunması da əsas məqsədlərdəndir.
NTV canlı
Radio canlı
Nuhçıxan