2022-ci ilin payız əkin mövsümündə muxtar respublika ərazisində 85 hektar sahədə toxum üsulu ilə əkin işlərinin aparılmasına dair sxem planlar hazırlanıb.
Naxçıvan televiziyası İnformasiya Agentliyi xəbər verir ki, bu metodla mövsümün ilk əkini Naxçıvan Muxtar Respublikası Ekologiya və Təbii Sərvətlər Nazirliyinin əməkdaşları tərəfindən Ağbulaq Kənd Turizm-İstirahət bölgəsi ərazisindəki Xizək Mərkəzinin ətrafında aparılıb. Dağ yamaclarında 10 hektar sahəyə kəndin təbiətinə xas olan həmərsin, badamça, yemişan, akasiya, sumax və yabanı alça toxumları əkilib.
Qeyd edək ki, bu ilin payızında Zəngəzur Milli Parkının, Arpaçay Dövlət Təbiət Yasaqlığı və digər ərazilərdə də yabanı meyvə və meşə ağaclarının toxumları ilə əkin işlərinin aparılması nəzərdə tutulub.
Novruz Məmmədov
NTV canlı
Radio canlı
Nuhçıxan