Fevralın 7-si “Şəhid olsam, ağlamayın, əksinə, sevinin ki, bu mərtəbəyə yüksəldim” sözlərini yazaraq elə ən yüksək zirvəni fəth edən Millli Qəhrəman Mübariz İbrahimovun doğum günüdür.
Bu gün Naxçıvan Qarnizonu tam orta məktəbində əbədiyaşar qəhrəmanın mövludu qeyd edilib. Təhsil ocağında əvvəlcə Millli Qəhrəmanın xatirəsi bir dəqiqəlik sükutla yad edilib.
Sonra məktəbin şagirdi, Vətən müharibəsi şəhidi kapitan Seymur Cabbarovun qızı Sevinc Cabbarova öz xatirələrini şagirdlərlə bölüşüb.
Təkbaşına düşmənin kabusuna çevrilən, Azərbaycan Respublikasının müstəqilliyinin və ərazi bütövlüyünün qorunub saxlanılmasında öz rəşadəti ilə adını tarixə yazdıran Mübariz İbrahimova Prezident İlham Əliyev tərəfindən “Azərbaycanın Milli Qəhrəmanı” adı verilib.
Zaman ötdü, 2020-ci il 44 günlük Vətən müharibəsində müzəffər ordumuz Mübariz İbrahimovun düşmən qüvvəsini məhv etdiyi postu azad edərək üçrəngli bayrağımızı qürur hissi ilə həmin posta sancdı. İndi həmin məqamda milli qürur mənbəyimizin rəmzi olan bayrağımız dalğalanır.
Qisası alındığı üçün bu gün Mübariz İbrahimovun ruhu şaddır. Buna hamı kimi vətənpərvər məktəblilər də bütün qəlbləri ilə inanırlar.
Ramilə Rinadqızı
NTV canlı
Radio canlı
Nuhçıxan