Kaliforniyada Pasifik-Qrouv rayonunda üç nəfərin olduğu özəl təyyarə qəzaya uğrayıb.
NTV-nin NBC-yə istinadən məlumatına görə, onlardan heç biri sağ qalmayıb.
"Beech 95-B55 Baron" hava gəmisi Sakit okean sahilində Point-Pinos mayakının yaxınlığında okeana düşüb. N8796R reysi San-Karlos hava limanından qalxıb və Monterey regional hava limanına gedirmiş.
Qəzadan sonra axtarış-xilasetmə əməliyyatı başlayıb. Axtarışlara sahil mühafizəsinin helikopteri cəlb edilib.
Təcili yardım xidmətləri təyyarədə olan üç nəfərin hamısının öldüyünü təsdiqləyib. Sahil mühafizəsi ilk qurbanın səhər tapıldığını bildirib. Digər iki cəsəd gündüz tapılıb.
Təyyarədə olan şəxslərin adları açıqlanmır.
Qəzanın səbəbi araşdırılır. Təyyarənin qalıqları qayalara və sahilə atılıb.
Yerli hakimiyyət orqanlarının qiymətləndirmələrinə görə, təyyarə sahildən təxminən 200-300 metr məsafədə suya düşüb.
NTV canlı
Radio canlı
Nuhçıxan