Avstraliya əhalisi 28 milyon nəfəri keçib

Avstraliya əhalisi 28 milyon nəfəri keçib.

NTV-nin xəbərinə görə, bu məlumat Avstraliya Statistika Bürosunun (ABS) göstəricilərinə əsasəndir.

Qurumun məlumatına görə, 28 milyon nəfərlik hədd 2 iyun çərşənbə axşamı səhər qeydə alınıb. Ölkə əhalisi hər 75 saniyədə orta hesabla bir nəfər artır.

Büro qeyd edib ki, bu artım həm təbii, həm də miqrasiya ilə bağlıdır. Hər 2 dəqiqə 16 saniyədə bir uşaq doğulur, hər 59 saniyədə bir nəfər daimi yaşayış üçün ölkəyə gəlir və təxminən hər 2 dəqiqə 35 saniyədə bir nəfər Avstraliyanı tərk edir.

Son məlumatlara görə, 30 sentyabr 2025-ci il tarixində Avstraliya əhalisi 27,7 milyon nəfər olub. Son bir ildə əhali 423 mindən çox artıb və xalis miqrasiya artımın əsas hərəkətverici qüvvəsi olaraq qalıb.

Demoqraflar Avstraliya əhalisinin növbəti onilliyin əvvəlində 30 milyona çata biləcəyini proqnozlaşdırırlar.