İranın sabiq Prezidenti Mahmud Əhmədinejad çərşənbə axşamı “The New York Times” qəzetinin İsrailin Mossad kəşfiyyat agentliyinin onu işə götürməyə çalışdığı və ev dustaqlığında olduğu iddia edilən xəbərini rədd edərək, iddiaları “tamamilə yalan” adlandırıb.
NTV İran mediasına istinadla xəbər verir ki, Əhmədinejadın ofisi verdiyi açıqlamada qəzeti ictimai rəyi çaşdırmaq və İranda daxili ixtilafları qızışdırmaq üçün uydurma məlumatlar dərc etməkdə ittiham edib.
Ofis, həmçinin Əhmədinejadın ev dustaqlığında olduğunu təkzib edərək, həmin iddianın qəzetin yalanlarını dəstəkləmək üçün uydurma olduğunu bildirib.
Bəyanatda deyilir: “Biz “The New York Times” qəzetinin təbliğ etdiyi tamamilə yalan iddiaları qəti şəkildə rədd edirik”.
“The New York Times” qəzeti bazar ertəsi günü Mossadın son illərdə Əhmədinejadı İsraillə əməkdaşlığa inandırmağa çalışdığını və onu İrana rəhbərlik etmək üçün potensial namizəd kimi gördüyünü bildirib. Hesabatda, həmçinin sabiq dövlət başçısının ev dustaqlığında olduğu iddia edilib.
NTV canlı
Radio canlı
Nuhçıxan