Bu il oktyabrın 14-16-da Qazaxıstanın Astana şəhərində nəqliyyat, tranzit və logistika sahələrini əhatə edən şirkətlərin iştirakı ilə beynəlxalq “New Silk Way” biznes forumu keçiriləcək.
NTV xəbər verir ki, biznes forumda Avropa bazarlarına çıxış yollarının genişləndirilməsi, qitələr arasındakı nəqliyyat dəhlizlərinin inkişafı, multimodal yükdaşımaların təkmilləşdirilməsi, marşrutların rəqəmsallaşdırılması və süni intellektin tətbiqi məsələləri müzakirə olunacaq.
Forumda Qazaxıstan ilə yanaşı, Çin, Yaponiya, Rusiya, Avropa dövlətlərini təmsil edən şirkətlər müxtəlif təqdimatlar keçirəcək, təkliflər irəli sürüləcək. Forumun işində dövlət rəsmiləri və müvafiq qurumların rəhbərləri də iştirak edəcək, beynəlxalq nəqliyyat dəhlizlərinin inkişafı istiqamətində infrastruktur layihələrinin həyata keçirilməsi məsələlərini müzakirə olunacaq.
Biznes forumun məqsədi beynəlxalq ticarəti daha da genişləndirmək, marşrutları tanıtmaq və yükdaşımalarda səmərəliliyi artırmaqdan ibarətdir.
NTV canlı
Radio canlı
Nuhçıxan