Noyabrın 12-də Antalyada BMT-nin COP31 iqlim sammiti öz işini davam etdirir. Dünya liderləri sammitin şəhərlərin iqlim dəyişikliyinə daha davamlı olmasını, binalarda və nəqliyyatda elektrik enerjisindən istifadəni genişləndirməyi müzakirə edəcəklər.
NTV Türkiyə mediasına istinadla xəbər verir ki, Hökumətlər, yerli hakimiyyət orqanları, müəssisələr və investorlar enerjiyə qənaət edən binaların maliyyələşdirilməsi, elektrik şəbəkələrinin təkmilləşdirilməsi və şəhərlərin ekstremal hava şəraitinə tab gətirməsinə kömək edəcək tədbirlər ətrafında fikir mübadiləsi aparacaqlar. Gün ərzində yeni maliyyə və investisiya elanlarının verilməsi gözlənilir.
Liderlər, həmçinin cümə axşamı səhəri yaxınmüddətli istiləşməni məhdudlaşdırmaq üçün metan və digər istixana qazlarının azaldılmasını müzakirə etmək üçün görüşəcəklər. Onların əvvəlki öhdəliklər üzrə irəliləyişi nəzərdən keçirməsi, yeni öhdəliklər elan etməsi və onları necə maliyyələşdirməyi müzakirə etmələri gözlənilir.
Bu gün COP31 Biznes Forumu da açılacaq. Biznes liderləri təmiz enerji, şəhər infrastrukturu və iqlim uyğunlaşması sahələrində layihələrin maliyyələşdirilməsində və həyata keçirilməsində özəl sektorun rolunu müzakirə etmək üçün bir araya gəlirlər.
NTV canlı
Radio canlı
Nuhçıxan