Birləşmiş Millətlər Təşkilatının (BMT) İnsan Haqları üzrə Ali Komissarlığının İdarəsi İran hakimiyyətini etirazçıları edam etməyi dayandırmağa və müvafiq praktikanı ləğv etməyə çağırıb.
Naxçıvan televiziyası İnformasiya Agentliyi xəbər verir ki, bu barədə idarənin tviterində yazılıb.
Qurum açıqlamasında İranda etiraz aksiyaları zamanı həbs olunan Məhəmməd Qobadlu və Məhəmməd Boruqaninin gözlənilən edamından narahat olduğunu bildirib.
Beynəlxalq təşkilat bəyan edib ki, İran hakimiyyəti bütün edamları dərhal dayandırmalıdır.
Xatırladaq ki, sentyabrın 17-də İranda etiraz aksiyaları başlayıb. İndiyədək 20 minə yaxın etirazçı həbs olunub, 68-i yeniyetmə olmaqla 500-dən çox aksiyaçı etiraz tədbirlərində rejimin hərbi-polis qüvvələri tərəfindən qətlə yetirilib.
NTV canlı
Radio canlı
Nuhçıxan