Türkiyənin cənub-şərqində və Suriyanın şimalında baş verən güclü zəlzələdən sonra xilasetmə və yardım əməliyyatlarına kömək məqsədilə 76 polşalı axtarış-xilasetmə mütəxəssisindən ibarət qrup Türkiyəyə yola düşüb.
Naxçıvan televiziyası İnformasiya Agentliyi xəbər verir ki, komandanın rəhbəri Qreqors Borovieç PAP agentliyinə müsahibəsində heyətin Türkiyənin cənub-şərqdəki Adıyaman şəhərinə gedəcəyini bildirib. Qrupun tərkibində 76 xilasedici, beş tibb işçisi və səkkiz xilasedici it yer alır. Onların əsas işi dağılmış binaların dağıntıları altında sağ qalanları axtarmaq olacaqdır. Əməliyyatın ilkin olaraq xilasetmə missiyalarının maksimum müddəti olan yeddi gün davam etməsi planlaşdırılır.
NTV canlı
Radio canlı
Nuhçıxan